I 2006 fekk SIK eit konsulentoppdrag som tar sikte på å finna ei fredeleg løysing for retur til Rwanda av paramilitære grupper som var innblanda i folkemordet i Rwanda. Det er UD som finansierer prosjektet, mens De Norske Pinsemenigheters Ytremisjon (PYM) har det formelle ansvaret. Prosjektet blir leia av Eglise du Christ au Congo (ECC) sitt kontor i provinsen Sør Kivu. ECC er ein fellesorganisasjon av dei fleste protestantiske kyrkjene i Kongo, men prosjektet har tverrkyrkjeleg støtte og støtte frå den katolske kyrkja i Kongo. Det same gjeld MONUC og frå regjeringa i Kongo.

Kyrkjene, med sine lokale nettverk og tillitt, har gått i dialog med dei paramilitære gruppene for å kartlegga omfanget og avdekka muligheiter og krav som kan føre til ein fredeleg retur. Det gjekk relativt raskt å etablera regelmessig kontakt både med militære og politiske leiarar. ECC/SIK har vore mellommenn i samtalar om rammene for demobilisering i høve til  regjeringa i Kongo og til land og internasjonale organisasjonar som har engasjert seg i, eller som er direkte berørt av problemet. Det aller meste er avklart nå.